Plan Cultural

O Plan Cultural constitúe a liña de colaboración máis importante que a Deputación de Pontevedra ofrece cada ano co obxectivo de impulsar e fomentar a cultura popular nas súas múltiples e variadas expresións artísticas, en colaboración con concellos, agrupacións e asociacións.

A cultura tradicional, como conxunto de manifestacións, coñecementos, actividades e crenzas pasadas e presentes da memoria colectiva son, daquela, o punto de referencia do Plan Cultural, que ten como obxectivo preserverar e transmitirlles ás novas xeracións o acervo popular que nos distingue e, ó mesmo tempo, unha firme vontade de proxectar a nosa identidade cara ó futuro.