Padroado Fogar provincial
Contratación laboral temporal dun porteiro con destino ó Centro de Formación Profesional “Fogar Provincial”
Convocatoria e Bases para a contratación laboral temporal dun Porteiro con destino ó Centro de Formación Profesional “Fogar Provincial”.
De conformidade co establecido no art. 34 g) da Lei 7/85, do 2 de abril, Reguladora das Bases de Réxime Local, modificada pola Lei 11/99, do 21 de abril:
Resolvo.—Aproba-la presente convocatoria para a contratación laboral eventual dun Porteiro, con destino ó Centro de Formación Profesional “Fogar Provincial”, desta Excma. Deputación Provincial, que se rexirá pola seguintes
BASES
1.— Esta convocatoria ten por obxecto a contratación laboral temporal por circunstancias da producción dun Porteiro con destino ó Centro de Formación Profesional “Fogar Provincial” da Deputación Provincial de Pontevedra, co fin de atende-las necesidades do Centro, incrementadas polas obras de conversión do antigo garaxe en aulas, polos cursos do Plan FIP e as vacacións do persoal.
Esta contratación formalizarase de conformidade co disposto no art. 35 do Real Decreto 364/95, do 10 de marzo, art. 103 da Lei 7/85, do 2 de abril, art. 3 do Real Decreto 2720/98, de 18 de decembro e art. 15 do Estatuto dos Traballadores, así como convenio colectivo de Centros de Ensinanzas Privados sostidos con fondos públicos.
2.— RETRIBUCIÓNS
O custo desta contratación, á que se aplicarán as retribucións do convenio colectivo da ensinanza privada sostida con fondos públicos, ascende a un total de 8.142,61 euros en concepto de retribucións e 2.768,50 euros como cota patronal á Seguridade Social. As cantidades totais imputaranse ás partidas de persoal laboral eventual do orzamento do Padroado do Centro de Formación Profesional Fogar Provincial Príncipe Felipe.
3.— REQUISITOS DOS ASPIRANTES
- Ser español.
- Ter cumplidos 18 anos de idade, o que se acreditará coa certificación de nacemento ou páxina de inscripción no Libro de Familia ou fotocopia compulsada dos mesmos.
- Estar en posesión do título de Certificado de Escolaridade ou equivalente, ou en condicións de obtelo na data en que remate o prazo de presentación de instancias.
- Non padecer enfermidade ou defecto físico, ou psíquico, que impida ó aspirante o normal desempeño das correspondentes funcións.
- Non haber sido separado, mediante expediente disciplinario, dos servizos do Estado, comunidades autónomas ou das entidades locais, nin atoparse inhabilitado ou incapacitado para o exercicico das funcións públicas.
- Tódolos requisitos enumerados nos apartados anteriores deberán posuirse no momento de finaliza-lo prazo de admisión de solicitudes, e conserva-los, alomenos, ata o momento do nomeamento e posterior toma de posesión con carácter interino.
4.— Os que estean interesados nesta contratación laboral temporal deberán presenta-las súas solicitudes no Rexistro Xeral desta Deputación, no prazo de 5 días naturais, contados a partires do seguinte ó da publicación desta oferta no Boletín Oficial desta provincia.
Á solicitude acompañarase a seguinte documentación:
- Fotocopia do DNI por ámbolos dous lados, debidamente compulsada.
- Acreditación de atoparse en demanda ou mellora de emprego.
Tódolos requisitos enumerados nos apartados anteriores deberán posuirse no momento de remata-lo prazo de admisión de solicitudes, e conservalos, alomenos, ata o nomeamento e posterior formalización do contrato.
5.— O sistema de selección constará dun exercicio e dunha entrevista persoal.
Primeiro exercicio: Consistirá en contestar a un test de vinte preguntas relacionadas co contido do posto de traballo.
O exercicio terá carácter eliminatorio e calificarase de cero a dez, sendo necesario obter un mínimo de cinco puntos para aprobar.
Finalmente, o Tribunal convocará ós aspirantes que superen a proba anterior a unha entrevista persoal na que lles formularán cantas preguntas consideren oportunas, sobre aspectos relacionados co posto de traballo, a fin de determina-la súa idoneidade para o posto, valorándose esta última proba de cero a cinco puntos.
6.— O TRIBUNAL SELECCIONADOR QUEDARÁ INTEGRADO POLOS SEGUINTES MEMBROS
- Presidente:
Dona Nidia Arévalo Gómez.
- Secretario:
Don Carlos Cuadrado Romay ou funcionario no que delegue.
- Vocais:
— Don José Carlos Fernández Brea, Director do Centro de Formación Profesional Fogar Provincial.
— Dona Zoila Paz Dacosta, Directora Xerente da Cidade Infantil Príncipe Felipe.
— Don José Manuel Fernández Rodríguez, Secretario do Centro de Formación Profesional Fogar Provincial.
7.— O Tribunal seleccionador constituirase dous días despois da finalización de presentación de solicitudes, no Pazo Provincial, ás 10.00 horas, a onde deberán concorrir os aspirantes provistos de DNI e bolígrafo.
Rematado o proceso selectivo, a Comisión proporá ó Presidente do Padroado a contratación do/da aspirante que acade maior puntuación.
8.— O contrato terá unha duración de 6 meses dacordo co disposto no Real Decreto 2720/1998.
Pontevedra, 12 de xullo de 2005
O DIRECTOR José Carlos Fernández Brea |
|
|