Obxectivos
O Servizo de Publicacións da Deputación de Pontevedra vén desenvolver nos últimos anos unha política de diversificación nas súas publicacións, que se fai patente nas numerosas coleccións que integran o seu fondo editorial.
O decidido apoio ó mundo da investigación e o notable incremento, tanto en cantidade como en calidade, de estudos neste campo motivou a creación da colección “Publicacións periódicas”, unha nova fonte de información periódica e actualizada. Na citada serie insírense tres revistas, publicacións seriadas compostas por artigos e traballos de investigación do campo das Ciencias sociais, Humanidades e Sociolingüística: Pontevedra. Revista de estudios provinciais, Pontenova. Revista de novos investigadores e Pontenorga. Revista de estudios sociolingüísticos.
Entre os obxectivos das revistas, cabe destacar:
· Promover as publicacións periódicas, fontes de información rápida, debido á brevidade das exposicións, e actualizada.
· Estimular e difundir a investigación, tanto entre destacados investigadores (Pontevedra) como entre a xente máis nova (Pontenova).
· Difundir a realidade histórica, social e cultural galega. Galicia convértese no eixe fundamental de estudo, e máis concretamente, a provincia de Pontevedra.
· Impulsar o idioma galego.
· Fomentar unha política de información e de diversificación, con revistas caracterizadas pola variedade de áreas de estudo así como de autores.
· Permanente adecuación ó cambio, fortalecendo a biblioteca tradicional e incorporando paulatinamente a biblioteca virtual. A través desta páxina web os cidadáns poderán consultar os fondos editoriais e poderán, así mesmo, acceder ás últimas revistas en liña, utilizando deste xeito as novas tecnoloxías ó servizo da universalización do acceso á información.
|