|
|||||
Espinosa, José Carlos Deputación de Pontevedra, 2010 ISBN: 978-84-8457-343-2 288 p. Il. b/n.; 28 x 29 cm P.V.P.: 25,00 € Con motivo da celebración do 120 aniversario do Círculo Cutural, Mercantil e Industrial de Vigo publícase este libro, que pretende recuperar a historia dunha das institucións máis emblemáticas da cidade olívica.
O libro reconstrúe as orixes do Círculo Mercantil e as diferentes etapas da súa evolución desde a súa fundación no século XIX ata os nosos días. Recolle os feitos máis destacados da súa historia, referentes a diversos campos como a educación, o comercio, a industria, a cultura, a asistencia social, o deporte e tamén a política, xa que varios dos seus presidentes chegaron a ser alcaldes da cidade.
Recolle as orixes do Círculo que van parellas co espertar da cidade de Vigo, facendo necesaria a su creación pola forte demanda empresarial. O 12 de marzo de 1891 nace o Centro de Instrucción Mercantil con dous obxectivos fundamentais: a formación profesional e a colocación laboral. En 1904 acórdase cambiar a denominación pola de “Círculo Cultural e Industrial”, en 1951 denominarase “Círculo Recreativo Mercantil e Industrial de Vigo”, ata que finalmente en 1965 adopta o nome actual “Círculo Cultural, Mercantil e Industrial de Vigo”.
A publicación amósanos a historia do Círculo, os feitos máis estelares coma o incendio do teatro Rosalía de Castro ou a inauguración por parte dos Reis de España; os concertos, as conferencias, os cursos, os eventos, as exposicións, o importante labor social, as viaxes, as anécdotas e curiosidades máis relevantes e remata cun anexo onde aparecen os presidentes da entidade, as mencións nos medios de comunicación, as homenaxes e as efemérides; todo isto acompañado de fotografías e imaxes recollidas polo autor.
|
INICIO | VOLVER ARRIBA | Última modificación 28/03/2024 19:34 |
Copyright © 2002-2024, Deputación de Pontevedra | Aviso Legal | Protección de datos | Política de cookies
Pazo Deputación Provincial. Avda. Montero Ríos, s/n. - 36071 Pontevedra ES Teléfono: +34 986 804100 - Fax: +34 986 804124 http://www.depo.gal/ |