[Deputación Provincial de Pontevedra / Diputación Provincial de Pontevedra]
XOVES, 28 DE MARZO DE 2024
   Está en » depontevedra.es » Deputación de Pontevedra » Taboleiro de anuncios » Novas do Plan Estratéxico
Páxina Principal
Taboleiro de anuncios
Boletín Oficial da Provincia
Emprego Público
Subvencións, axudas, bolsas...
Perfil do contratante
Cursos
Extractos do Pleno
Extractos da
Xunta de Goberno
Decretos Presidenciais
Notas de Prensa
Novas do Plan Estratéxico
Axenda

NOVAS DO PLAN ESTRATÉXICO 

Unha análise sobre a cultura e identidade territorial da provincia completa o diagnóstico por áreas na elaboración do Plan Estratéxico

A mesa sectorial celebrarase o vindeiro día 15 de decembro en Lalín



DEPUTACIÓN DE PONTEVEDRA
Plan Estratéxico Provincial 2010

03 DECEMBRO 2004


O equipo de elaboración do Plan Estratéxico Provincial- encargado á Escola para las Administraciones Públicas de Caixanova- decidiu sumar un traballo sobre a cultura e a identidade territorial da provincia de Pontevedra á análise do entorno xeral encargado a expertos universitarios que elaboraron informes relacionados con nove áreas de actividade: análise económica; análise empresarial; imaxe territorial e turismo; mobilidade; xestión pública; sociedade da información; desenvolvemento e calidade de vida; medio ambiente; e poboación, territorio e vivenda.

Segundo explicou Adolfo Neira, membro do equipo redactor do Plan Estratéxico, tanto nos documentos elaborados para boa parte das áreas de actividade como nas mesas sectoriais que se celebraron para a súa análise e posta en común, “xurdiu a necesidade de incluír unha parcela máis de discusión sobre a cultura e a identidade territorial da provincia de Pontevedra”.

Esta nova área de actividade que formará parte dos elementos de diagnóstico do Plan Estratéxico foille encargada para a súa redacción a Xosé Manuel González, presidente da Fundación Premios da Crítica, Medalla Castelao, e funcionario de Normalización Lingüística do Concello de Redondela.

Como no caso dos anteriores traballos redactados por expertos das tres universidades galegas e profesionais que traballan en ámbitos relacionados coas administración, o documento sobre cultura e identidade será sometido tamén ó debate dunha mesa sectorial na que participarán personalidades cualificadas dos eidos editorial, artístico, universitario, patrimonio e etnográfico. Esta última mesa sectorial celebrarase o vindeiro día 15 de decembro nas oficinas que posúe Caixanova no polígono Lalín 2000 na capital dezá, á partir das 17 horas.





INICIO | VOLVER ARRIBA Última modificación 03/12/2004 15:17
Copyright © 2002-2024, Deputación de Pontevedra | Aviso Legal | Protección de datos | Política de cookies
Pazo Deputación Provincial. Avda. Montero Ríos, s/n. - 36071 Pontevedra ES
Teléfono: +34 986 804100 - Fax: +34 986 804124
http://www.depo.gal/