A Deputación asinou un convenio dotado con 24.000 euros con Aetinape para un programa
de formación para titulados náuticos pesqueiros

O programa contempla cursos de Familiarización en Buques Tanque, de Petroleiros e de Operador de Radar de punteo automático

	José Manuel Muñiz Ríos, presidente de Aetinape, xunto o delegado de Pesca, Enrique Sotelo

O vicepresidente da Deputación de Pontevedra e deputado delegado de Pesca, Enrique Sotelo, asinou un convenio co presidente da Asociación Española de Titulados Náutico Pesqueiros (Aetinape), José Manuel Muñiz Ríos, a través do cal a institución provincial aporta 24.000 euros dirixidos a financiar un programa de formación para a mellora do tráfico marítimo e a reciclaxe dos profesionais do sector atendendo á aplicación de novas tecnoloxías.

Para dar resposta a este obxectivo, Aetinape plantexa a realización dun programa de accións formativas para o cal dispón das dotacións didácticas, recursos tecnolóxicos, monitores especializados e con experiencia na formación de adultos, e todo o material de apoio preciso. O programa estará composto por cursos de Familiarización en Buques Tanque, de Especialidade para o Persoal de Buques Petroleiros e unha última actividade de Operador de Radar de punteo automático.

RECICLAXE DOS TRABALLADORES

A situación do sector marítimo-pesqueiro, así como a aplicación das novas tecnoloxías á navegación fai imprescindible e necesaria a reciclaxe dos traballadores e un constante esforzo de reciclaxe por parte dun importante número de profesionais do sector. Neste senso, a Asociación de Titulados Náutico-pesqueiros ten como obxectivo participar nesta adecuación do sector ás novas demandas da situación económico-social actual, así como a que o traballo no mar se preste nas mellores condicións de seguridade.