Entre os obxectivos fundamentais da Deputación de Pontevedra están fomentar, promover e difundir a cultura. Daquela, o Servizo de Cultura encárgase de facilitar as achegas económicas destinadas a aumentar e mellorar as actividades que asociacións sen ánimo de lucro levan a cabo, apoiar a música a través de escolas e conservatorios, conservar e recuperar o patrimonio que como ben público necesita das contribucións da administración e así mesmo axudar ó financiamento de feiras, exposicións e congresos. Con estas subvencións, sometidas a unhas bases e uns requisitos, preténdese que a cultura, baixo calquera das súas manifestacións, estea presente en cada un dos municipios da provincia e á que poidan acceder todos os seus habitantes.
|