A Deputación Provincial, a través do Servizo de Asistencia Intermunicipal, en colaboración coa FEGAMP e dentro do Plan de Formación Continua do Persoal ao Servizo da Administración Local, organiza cursos de formación que deberán rematar antes do 31-12-2012.

A data de remisión da solicitude será un dos criterios aplicables para a admisión no curso, cousa que obedecerá ao número de prazas dispoñibles, que será limitado.

En atención á colaboración económica prestada pola FEGAMP os cursos serán gratuítos para os Concellos e/ou os asistentes.

Poderán solicitalo indistintamente persoal funcionario, laboral fixo, interino, laboral temporal ou de emprego, sendo elixido por esta orde, se pola limitación de prazas fose necesario.

As solicitudes faranse polos interesados no modelo de solicitude correspondente e se remitirá a este Servizo por correo ordinario, se ben pode adiantarse por E-mail ou por fax, sendo a súa data e hora de chegada a que se considerará no seu caso como preferencia.

Tan pronto como sexa posible, comunicaráse aos interesados a admisión ao curso e a data en que deben asistir, anticipándoo por teléfono cando sexa necesario. Para calquera aclaración sobre este tema chamar ao Servizo de Asistencia Intermunicipal, SAIM: Tf. 886.210355 - FAX nº 886.21.03.56 – saim@depo.es.

Os cursillos a realizar son os seguintes:

• ÁREA INFORMÁTICA
  • Sistema Operativo Windows 7
  • Deseño de Páxinas Web
  • Documentos PDF
  • Microsoft Word 2007 Avanzado
  • Microsoft Excel
  • Open Office Calc
• ÁREA XURÍDICA
  • Urbanismo: Lexislación, Planeamento e edificación
  • Xestión de equipos de traballo en Entidades de Servizos Sociais
  • Presupostos Locais
  • Xurisdicción Contenciosa
  • Responsabilidade Patrimonial
  • Novas perspectivas do Protocolo na Administración
  • Contratación Administrativa: O R.D.L. 3/2011 de 14 de novembro, polo que se aproba o texto refundido da Lei de Contratos do Sector Público

• Modelo de solicitude