Prezo público pola prestación de servicios de análise na "Finca Areeiro"
PRIMEIRO. NATUREZA E CONTIDO
Este prezo público esixirase polos servicios de análise que se prestan na "Finca Areeiro".
SEGUNDO. OBRIGA DE PAGAMENTO
Están obrigados a pagaren este prezo público as persoas naturais ou xurídicas e as entidades que soliciten os servicios de análise da "Finca Areeiro".
TERCEIRO. CONTÍA
A estructura e a contía deste prezo público figuran no ANEXO I.
CUARTO. NORMAS DE XESTIÓN
- As persoas ou entidades interesadas nos servicios de análise que se prestan na "Finca Areeiro", solicitaranos ante os servicios administrativos desta, debendo acreditar a constitución do depósito previo. O importe do depósito determinarase de acordo coas contías sinaladas no ANEXO I deste acordo.
- O pagamento do depósito acreditarase coa factura ou documento análogo expedido pola sección de Recursos Económicos.
- A xestión do IVE realizaraa o servicio de Agricultura.
QUINTO. OBRIGA DE PAGAMENTO
- A obriga de pagamento deste prezo público nace ó iniciarse a prestación do servicio. Non obstante, o servicio considerarase iniciado no momento de presentar a solicitude.
- O pagamento do prezo público esixirase con anterioridade á prestación do servicio, no momento de solicitalo.
SEXTO. ENTRADA EN VIGOR
O presente acordo, que entrará en vigor o día da súa publicación no BOP, comezará a aplicarse a partir do día 1 de xaneiro de 1990 e permanecerá en vigor ata a súa modificación ou derrogación expresas.
|