Deputación de Pontevedra
V COPA DEPUTACIÓN DE FÚTBOL
Este ano celébrase a V edición da Copa Deputación de Fútbol, que sofre notables cambios para que sexa máis aberta e participativa.
Nas dúas reunións entre o presidente da Deputación, Rafael Louzán, e os clubs da Federación Galega de Fútbol das delegacións de Pontevedra e Vigo, que tiveron lugar nestas cidades, decidiuse que poderían xogar todos os clubs da provincia desde 3ª división ata 3ª autonómica.
Unha vez rematado o prazo de inscrición realizouse un sorteo no Salón de Plenos da Deputación entre os 122 equipos anotados.
A Copa, que se rexe polas normas que regula a Federación de Fútbol, xógase en tres grupos:
- Equipos da zona de Vigo
- Equipos da zona de Pontevedra
- Equipos da zona de Santiago de Compostela (os que pertencen á provincia)
Os partidos xogaranse entre semana no campo do equipo de menor categoría e a final no campo e na data acordada pola Deputación e os equipos participantes.
|