PREDIO FORESTAL
O predio forestal, cun solo menos fértil có do resto do castelo e pouco profundo, é a zona de maior extensión e a máis montuosa. Na parte máis alta do predio sitúase a capela de San Caetano, pequena edificación relixiosa á que se accede por unha pista, cunha superficie arredor na que se atopan arbustos ornamentais. Entre a capela e o parque localízase unha extensión cunha pendente pronunciada, caracterizada por ter un terreo pedregoso, que acolle unha matogueira con diversas árbores. Outra das zonas desta pista forestal é o souto de castiñeiros, situado na parte superior do predio, cunhas árbores duns 20 anos.
O bosque de carballos, piñeiros e eucaliptos está noutro lado do Regueiro das Afreitas, cun terreo pendente e pobre. Co proceso que se está a levar a cabo para eliminar a vexetación non autóctona conseguirase que os carballos recuperen o seu espacio.
As ripisilvas son os restos do bosque ripario situado entre as marxes dos dous regatos chamados Porta Cadeira e Regueiro das Afreitas, constituídos por bidueiros, salgueiros, loureiros, etc.
A Xunta de Galicia publicou recentemente o libro Árboles Monumentales en el Patrimonio Cultural de Galicia, no que 11 das especies botánicas do castelo de Soutomaior se atopan entre as árbores con esta denominación.
- Almez
- Araucaria araucana
- Araucaria excelsa
- Camecíparis de Lawson
- Camelia japonica
- Castiñeiros
- Criptomeria
- Douglasias verdes
- Eucalipto cinereo
- Glorieta de plátanos de sombra
- Secuoya vermella
Fotografía: Anxo Rial / ArteXphoto
|