deputación de pontevedra

Bases reguladoras da acción formativa de
monitor de actividades de tempo libre

anuncio | modelo de inscripción
listado de admitidos e suplentes

anuncio

PRIMEIRA: OBXECTO DA CONVOCATORIA
As presentes bases regulan o procedemento selectivo para cubrir 25 prazas no curso de Monitor de actividades de tempo libre, que forma parte das accións formativas do servizo de Desenvolvemento Local e Fondos Comunitarios da Excma. Deputación de Pontevedra

Este curso ten una duración de 350 horas ( 200 horas teóricas e 150 horas prácticas) . A parte teórica se desenvolverá nas instalacións da Cidade Infantil Príncipe Felipe os venres en horario de 18:00 a 22:00 horas, os sábados de 10:00 a 14:00 horas e de 16:00 a 20:00 horas e os domingos de 10:00 a 14:00 horas. A parte práctica realizarase principalmente en actividades desenvolvidas pola Excma. Deputación de Pontevedra durante un prazo máximo de 2 anos dende que termina a parte teórica.

A acción formativa levarase a cabo entre os meses de Febreiro e Abril de 2009, con data prevista de comezo o 13 de Febreiro de 2009.

SEGUNDA: CONTIDO DO CURSO
O contido do curso está fixado pola Consellería de Familia, Muller e Xuventude da Xunta de Galicia Decreto 50/2000 do 20 de xaneiro (DOG nº 49 de 10 de marzo de 2000).

TERCEIRA: REQUISITOS DOS ASPIRANTES
Requisitos mínimos:

• Ter 18 anos cumpridos.
• Ser persoa inscrita no Servizo Público de Emprego.
• Nivel académico: graduado escolar.
• Condicións físicas: aquelas que non impidan o desenvolvemento da profesión.

CUARTA: SOLICITUDES
As solicitudes para o curso presentaranse no Rexistro Xeral da Deputación (en horario de 9:00 a 13:00 horas, de luns a sábado). O prazo de presentación de solicitudes será de quince días naturais dende a publicación das bases, que quedarán expostas no taboleiro da Deputación e na páxina web.

QUINTA: DOCUMENTACIÓN REQUIRIDA

• Ficha de inscripción segundo modelo facilitado en Rexistro da Deputación ou ben na páxina web.
• DNI ou pasaporte.
• Tarxeta do INEM.

SEXTA: COMISIÓN DE SELECCIÓN
A Comisión de selección dos beneficiarios desta acción formativa do Servizo de Desenvolvemento Local e Fondos Comunitarios estará integrada polos seguintes membros:

• Presidente: o xefe do Servizo Desenvolvemento Local e Fondos Comunitarios ou en quen delegue.
• O secretario da corporación ou en quen delegue.
• Vogais: dous axentes de emprego e desenvolvemento local ou en quen delegue.

SÉTIMA: PROCEDEMENTO DE SELECCIÓN
O proceso selectivo constará dunha entrevista persoal que versará, entre outros criterios, sobre a experiencia profesional no sector, formación relacionada, actitude , establecéndose unha puntuación máxima de 5 puntos.

A data prevista para as entrevistas serán os días 26, 27 e 28 de Enero, e o 2, 3 e 4 de Febreiro , en horario de 9:00h. a 13:00h., no Pazo Provincial da Deputación de Pontevedra. A selección de usuarios/as para a entrevista realizarase en dúas quendas por orde rigorosa de apelido: do A ó M, horario de 9:00h. da mañá; do N ó Z a partir das 12:00h.

OCTAVA: PROPOSTA DE SELECCIÓN
Ó día seguinte da realización da entrevista publicarase na páxina web e no taboleiro da Deputación a lista de admitidos para o curso. Así mesmo tamén se publicará unha lista de reserva,en función da puntuación acadada na entrevista, para que, en caso de baixas, poidan incorporarse novos/as alumnos/as.

NOVENA: INTERPRETACIÓN
A comisión de selección queda facultada para adoptar as decisións que se estimen oportunas para a aplicación destas bases.

Pontevedra, 02 de Enero de 2009

O PRESIDENTE

O SECRETARIO