Introducción
Formada pola parroquia de Santa María de Queimadelos, integrouse en séculos pasados na Xurisdicción de Sobroso con señorío do marqués de Sobroso e conde de Salvaterra e pertence con posterioridade ó concello de Mondariz.
É unha pequena parroquia rural, cunha superficie total de 2,12 quilómetros cadrados, na que residen 155 habitantes, distribuídos nos dous únicos lugares de Armada e Aqueleido.
Vén funcionando con regularidade dende a súa constitución como Entidade Local Menor o 21 de febreiro de 1935.
Conta con edificio propio para as dependencias da Entidade, construido entre 1963 e 1966.
O arquivo desta Entidade conta con cincuenta e catro unidades de instalación, que supoñen apenas seis metros lineais. Conservan documentación dende a súa creación no ano 1935 ata a actualidade.
Pode consultarse a totalidade dos libros de actas de Xunta Veciñal correspondente ó período que vai de 1935 ata a actualidade. Outra documentación especialmente reseñable son os expedientes dos aproveitamentos de madeiras do período comprendido entre 1950 e 1998 e a documentación presupostria dende 1951, que supón o 92% do total do fondo documental.
|