O local

A casa do concello é unha destacada construcción, exenta, en pedra construída nos primeiros anos do século XX, e inaugurada en 1912.

Distribúese interiormente, logo de sucesivas reformas, en baixo, tres plantas e baixo cuberta, mentres que o exterior mantén a súa estructura orixinal, na que destaca a profusión de vans, o corpo central con cinco arcos de medio punto que serven de acceso e a torre lateral abovedada.

O local dedicado a arquivo viña ocupando a práctica totalidade do baixo cuberta, cn dúas amplas salas de depósito e despacho para o persoal e cunha pequena sala na terceira planta que lle servía de complemento. Todas estas instalacións contan cunhas boas condicións de habitabilidade, luminosidade e ventilación e uns equipamentos axeitados.

En todo caso o elevado volume documental provocou a busca de novos espacios para a custodia do patrimonio documental decidindo o Concello a construcción de unha edificación na que se dedica unha planta completa a arquivo segundo o plano que se achega, con dúas zonas de depósito e un despacho na parte central que se dotará de andeis compactados e resolverá a medio prazo a problemática do local estando previsto o traslado de forma inminente.